მსოფლიოს 5 ყველაზე სუფთა ქვეყანა

    სისუფთავის ხარისხი განისაზღვრება გარემოსდაცვითი შედეგიანობის ინდექსით (EPI), რომელიც აფასებს 58 მაჩვენებელს 11 სხვადასხვა კატეგორიაში და მოიცავს კლიმატის ცვლილებას, ჰაერის დაბინძურებას, ნარჩენების მართვას, ტყეების გაჩეხვასა და ა.შ. სწორედ ამ ინდექსით ბოლო კვლევებმა მსოფლიოს 5 ყველაზე სუფთა ქვეყანა გამოავლინა.

5. გაერთიანებული სამეფო – სიაში მეხუთე ადგილს გაერთიანებული სამეფო იკავებს. მას დიდი მიღწევები აქვს ბუნების დაცვის მიმართულებით და ერთადერთია, რომელმაც ზღვის დაცული ზონები დაადგინა.

4. ფინეთი – ქვეყანამ სანიტარიის, სასმელი წყლისა და მძიმე მეტალების კატეგორიებში უმაღლესი – 100 ქულა მიიღო. ეს მაჩვენებელი, რა თქმა უნდა, დადებითად მოქმედებს საზოგადოების ჯანმრთელობასა და დაბინძურების კონტროლზე. ფინეთს მაღალი მაჩვენებელი აქვს ეკოსისტემის სიცოცხლისუნარიანობის კატეგორიაშიც და მაგალითია იმისა, თუ როგორ შეიძლება, წინდახედული პოლიტიკის წყალობით, მდგრადი განვითარება ბუნებრივად ინტეგრირდეს ყოველდღიურ ცხოვრებაში.

 3. გერმანია – მესამე ადგილზეა და განსაკუთრებით მაღალი მაჩვენებლები წყლის რესურსების და ბიომრავალფეროვნების კატეგორიებში აქვს. ქვეყანა ეფექტურად იცავს თავისი მიწებისა და ზღვების მნიშვნელოვანი ნაწილის ბიომრავალფეროვნებას და მწვანე ინფრასტრუქტურაში დიდ ინვესტიციებს დებს.

2. ლუქსემბურგი – მეორე ადგილზე გასვლით, ლუქსემბურგი ადასტურებს, რომ პატარა ქვეყნებს დიდი ეკოლოგიური წარმატების მიღწევა შეუძლია. წყლის მართვის სფეროში ლუქსემბურგი, 90.6 ქულით, მთელს მსოფლიოში ლიდერობს და შთამბეჭდავი – 99.8 ქულა აქვს სანიტარიისა და სასმელი წყლის კატეგორიებშიც. ასევე, ქვეყანა გამოირჩევა ბუნების დაცვით – მისი მიწის 55% დაცულია, რაც ბიომრავალფეროვნების კატეგორიაში 84.8 ქულის მინიჭებით აისახა. გერმანიის მსგავსად, ლუქსემბურგიც დიდ ინვესტიციებს დებს მწვანე ინფრასტრუქტურაში.

1. ესტონეთი – სიის სათავეში კი ესტონეთია, რომელიც EPI-ს მონაცემებით, მსოფლიოში ყველაზე სუფთა და ეკო-მეგობრული ქვეყანაა. ესტონეთს მაღალი ქულები აქვს ისეთ მნიშვნელოვან კატეგორიებში, როგორიცაა ჰაერის დაბინძურება, ეკოსისტემის გაჯანსაღება და კლიმატის ცვლილებასთან ბრძოლაში ძალისხმევა. ქვეყანამ დიდი ნახტომი გააკეთა განახლებადი ენერგიისა და მდგრადი სატყეო მეურნეობის მიმართულებით და კარგად აჩვენებს, თუ როგორ შეუძლია ბუნებასთან მჭიდრო კავშირსა და გონივრულ დაგეგმარებას რეალური პროგრესის მოტანა.